लोल ठुल्दाई!

यो संसार भन्सार जस्तो भए बरु भंसारको खरदार सुब्बा केइ पोस्ट चाहिँ मलाई पार्दिनोस है?

फिलिम चाँही हेरिन्छ तर चिलिम त के जन्तु हो, भेउ छैन आफुलाई।
अनी जिम्बाल चुनाव कहिले त, खोइ चुनाव हुन्छ भनेको सुनेका हौ क्यारे।
कि यो चुनाव पनि सर्ने होकी।

अब बिर्खे बालाई खरदार सुब्बा किन हाकिम नै बनाइ दिउला नि। पहिलो कुरो त त्यो भंसार कहाँको  कस्तो भनेर भनेकै छैन। केरुङ को भंसार, ६ महिना सम्म त कमिला नि हिड्दैन, बाकी ६ महिना पनि दूर बाट नै नमस्कार गरी पठाउनु पर्ने च्याङ्बाहरु खच्चडहरु मात्र । न घाम, न दाम, राम् राम्।

हेर्नोस लहरेजी, भन्नुहुन्छ भन्देखि चुनाब जसरि भए पनि गराएर छोडिन्छ र यदाकदा हुने यस्ता बिरोध, बन्द तथा आगजनिले भन्नुहुन्छ भन्देखि हाम्रो अडानलाई बिगार्न सक्दैन र प्रतिकृयावादीहरुको भन्नुहुन्छ भन्देखि कुनै पनि हतियारले हाम्रो उद्देश्यलाई बिचलित पार्न सक्दैन भन्नेकुरालाई लिएर हामि हाम्रो भनाइमा भन्नुहुन्छ भन्देखि अडिग रहेको जानकारि तपाइँलाई मात्र हैन तपाइँलाई जवाफदिने प्रकृयामा सम्पुर्ण चाइने चौतारीका सबै तब्काका भन्नुहुन्छ भन्देखि  वर्गहरुलाई समेट्नेगरि भन्न चाहेको कुराको  खुलासा गर्न पछाडि पर्दैनौँ र यो चुनावले एउटा भन्नुहुन्छ भन्देखि प्रगतिशिल र अग्रगामि बिकासको चाइने भन्नुहुन्छ भन्देखि एउटा लहर बोकेर हामि सम्पुर्ण भन्नुहुन्छ भन्देखि बिकासबादि र आमुलपरीवर्तबादिहरुमा एउटा भन्नुहुन्छ भन्देखि नयाँ उत्साह, जाँगर, साहस र भन्नुहुन्छ भन्देखि क्रान्तिकारि परिवर्तनको नशा चढाएको छ र हामि यो नशालाई भन्नुहुन्छ भन्देखि उतार्न कदापि चाहँदैनौ र हाम्रो पार्टिले भन्नुहुन्छ भन्देखि भन्दै आएको कुरा पनि यहि हो र हाम्रो पार्टीको नितीमा भन्नुहुन्छ भन्देखि गर्न नसकिने कुरा सबै छन र भन्न नसकिने कुरा केहि पनि छैनन।

 

मैले यो स्वस्थानीको पहिलो अध्याय बनाउने हिसाबले लेखेको थिएँ अस्ति शनिवार हुँदी, नयाँ चौतारी बनोस् र टाँसौंला भनेर कुरेको, जिम्मालले जितिसकेछन्। तर ठीकै छ, अब टाँस्दैछु।

अर्को कुरा, यो पाली गालबगुरुले नभ्याउने भएपछि हामीमध्येनै पालैपालो गरेर सुनाउँदा कसो होला?

हवस् त, सप्ताहान्तहरुमा मौका मिले अरु पनि खोक्दै जाउँला।

 

स्वस्थानी-२०६४

फूलपाती हातमा ले'र आंखा चिम्लेर बस गाम्ले हो!

यं ब्रह्मा वरुणेन्द्र------

 

द्वितिय अध्याय

 

कुमारजी आज्ञा गर्नुहुन्छ “हे पातकी अगस्त्य मुनि, माघ लाग्न पाएको छैन, तिमी फेरि मैकहाँ अन्मरियौ? के देखेका छौ यहाँ र यसरी झुत्ती खेलेका छौ? संसारमा अन्त कतै नअटाएका, घिचुवा, लोभी बूडा, पोहर मकहाँ बसेर डकारी-डकारी घिचेथ्यौ, यसपाली पनि त्यहि सम्झेर आएका हौ? मान्छे तिमी अजिंगरजस्ता छौ, सासैले भात तानेर हसुर्छौ! तिम्रो भुँडी पनि भुँडीनै रहेछ, जति हालेपनि नभरिने! कतिवटा भुँडी छन् हँ तिम्रा? कि मेरी अर्धांगिनी च्वाँ---क देखेर आँखा गाडेर आएका हौ?!” कुमारजीका यस्ता कुरा सुनी अगस्त्य मुनि भन्दा भए, “हे ख्वामित, त्यसो आज्ञा नहोस्। यस्तो पाप चिताएँ भने म अहिल्यै भस्म-खरानी हुनुपरोस्। हजुरजस्ता ज्ञानीका संगतमा बसे मलाई पनि अलि-अलि ज्ञान मिल्दो हो भनी आएको हुँ।“ यति सुनेपछि कुमारजीबाट आज्ञा भयो, “निहुँ पार्न पनि खुब जानेका छौ असत्ती बूडा, ल भन के सुन्न तिम्रा कान त्यसरी पाकेर चिलाएका हुन्।“ कुमारजीका कुरा सुनेपछि अगस्त्य मुनि भन्दा भए, “प्रभो, अचेल सारा चराचर जगतमा यो ‘चौतारी लोक’ भन्ने लोकको वर्णन असाध्यै चलेको छ। यो कस्तो लोक रहेछ जान्ने मनसुबा भयो।“

 

अगस्त्य मुनिको यस्तो जिज्ञासा सुनी कुमारजीबाट चौतारीलोकका बारेमा वर्णन शुरु भयो। “हे अगस्त्य मुनि, त्यो चौतारी लोकको कुरा तिम्रोजस्तो गिदीको सट्टा लिदी भरिएको खोपडीले बुझ्ने कुरो त हैन, तैपनि सुन, तिमीजस्ता भातमारालाई भात पचाउने मेलो हुन्छ। त्यो चौतारी लोक भनेको ‘देशभित्रको महादेश’, ‘राष्ट्रभित्रको महाराष्ट्र’, ‘मानवभित्रको महामानव’ भनेजस्तै ‘लोकभित्रको महालोक’ हो। तिमी ‘परलोक’ले समेत नपत्याएकालाई यो ‘लोकभित्रको महालोक’का कुरा कसरी सम्झाउनु? हेर त्यसको वर्णन त हजार थुतुना भएका कुम्ले नाग र हजार जिब्रा भएका बिर्खे नागले पनि गर्न सक्दैनन्,।“

 

“त्यो चौतारी लोक तिम्रो टाउकोभन्दा पनि गोलो छ। त्यसको अर्धव्यास चारसय योजन र व्यास पच्चीससय योजन छ। लाख वर्ष पहिलेबाट त्यसको परिधि नाप्न थालेका चित्रे चित्रकार अझै नाप्या-नाप्यै छन्।“ कुमारजीका कुरा बीचैमा काटेर अगस्त्यमुनि भन्दा भए, “प्रभु, अर्धव्यास चारसय योजन हुँदा व्यास कसरी पच्चीससय योजन भयो?” अगस्त्य मुनिको यस्तो प्रश्नन सुनी रिसले राता-राता आँखा पार्दै कुमारजीबाट कड्किँदै आज्ञा भयो, “बढ्ता जान्ने किन हुन्छौ ए हाँडीघोप्टे बूडा?! द्वन्दात्मक भौतिकवाद भनेको त्यहि हो। तिम्रो मुख किन यतिविधि चिलाउँछ हँ?! मैले भनेपछि भयो, चूप लागेर सुन न तिमी!” त्यसपछि अगस्त्य मुनिले “हवस् प्रभु, अबदेखि बोल्दिन।“ भन्दा भए र टाउको निहुराएर सुन्दा भए।

 

“त्यो चौतारी लोकका प्राणिहरु सबै धुरन्धार सृष्टीकर्ता हुन्। कोही बगैंचाभरि डलरका रुख उमारेर, दिनरात बाँदरको जस्तो रूखका हाँगामा बसी डलर टिप्छन्; कोहि बोरा, धोक्रा, सिरकका खोल समेतमा येन कोचेर बस्छन्, कोहि यूरोका चाङ्गमाथि सुत्छन्। त्यो लोकका प्राणीहरु एकापसमा कुराकानी पनि लोकभरी छ्याप्छ्याप्ती पारेर बिछ्याएको मायाजालका माध्यमले गर्छन्।“ फरि अगस्त्य मुनिले सोध्दा भए “आमने-सामने हुँदापनि मायाजाललेनै कुराकानी गर्छन् त प्रभो?” यो सुनेर कुमारजीले फेरि कड्किँदै आज्ञा गर्नुभयो, “आमने-सामने हुँदा बात मार्न त तीनका थुतुना छँदै छन् नि काँठा बूडा!” तहाँ उप्रान्त अगस्त्य मुनि पुन: टाउको निहुँराउँदा भए। 

 

“त्यो चौतारी लोकका मानिसहरु अचेल एकदम राम्टिके भएर निक्लेका छन्। वायुमण्डल प्वाल परेर मर्त्यलोकको तापक्रम बढेको हुनाले त्यसको असरले चौतारी लोकमा यो रोग फैलिएको हो भनी ज्ञानी ऋषिमुनिहरु भन्दछन्। त्यो राम्टिके रोगका कारण अचेल चौतारी लोकका प्राणीहरु ‘लप’कै मात्र कुरा गर्न थालेका छन् ‘लप’ गरेको, ‘लप’ परेको, ‘लप’ पर्न-पर्न आँटेर पनि फुत्त उम्केर अर्कैका भागमा परेको, फेरि कसैको भने आफैं ‘लप’ गर्दै नगरे पनि अपुतालीमा आईपरेको आदि कुरा जोडतोडले गर्ने गरेका छन्। अहिले चौतारी लोकमा राम्टिके माया-पिरेमका उत्तम-उत्तम मार्मिक सिनिमा देखाउने हल पनि छ्याप्छ्याप्ती खुलेका छन् भन्ने वर्णन आइपुगेको छ चौतारी लोकबाट। चौतारी लोकका सबै प्राणीहरु तिनै हलमा बसी साँझ-विहान लपेश्वरी देवीको भजन गरी फलफूल इत्यादि चढाइ नाचगान पनि गर्छन्।

 

कुमारजी चौतारी लोकका बारेमा अरु कुरापनि आज्ञा गर्दै हुनुहुन्थ्यो, भान्छामा बसेकी कुमारजीकी अर्धांगिनी कन्याजीबाट भोजन तयार भएको खबर आएका हुनाले कुमारजीले अगस्त्य मुनिलाई “ल तिम्रा भुँडी फोर्न हिँड बूडा।“ भन्दा भए र दुबैजना भित्रतिर प्रस्थान गर्दा भए।

 

इतिश्री चौतारी पुराणे गोतामे खण्डे-------- द्वतियो अध्याय!

 

पहिलो राउन्ड को जदौ
ठुल्दाइ, ग्वाचे, लहरे, जिम्मल् बा, भउते, झिल्के र अरु सबै मित्र हरु लाइ
आज बिदा परेकोले अली सिधा भ'को हो, अरु खासै केही हैन

हाहाहाहा ""“प्रभु, अर्धव्यास चारसय योजन हुँदा व्यास कसरी पच्चीससय योजन भयो?” अगस्त्य मुनिको यस्तो प्रश्नन सुनी रिसले राता-राता आँखा पार्दै कुमारजीबाट कड्किँदै आज्ञा भयो, “बढ्ता जान्ने किन हुन्छौ ए हाँडीघोप्टे बूडा?! द्वन्दात्मक भौतिकवाद भनेको त्यहि हो""" गोताएँ बुडाको सोस्तानी गजप छ। ल पर्भु गोताएँ बाजे अब मेलो आएछ क्यार, ३१ अध्धे सम्म सक्नु परो। साँच्चि एउटा कुरा आजकल ब्यान-ब्यान मात्तै फुर्सत मिल्छ कि के हो? तो जापुनाँ हुने पातकि गाम्लेहरु तेति अन्मरिया देखिँदैन नि अचेल किन होला???

 अर्धब्यास चारसय योजन हुँदा ब्यास चैँ पच्चिससय योजन हुने द्वन्दात्मक भौतिकबाद बुझ्नको लागि गोताएँ साध्य जान्न जरुरी हुन्छ। यसको लागि गोताएँलाई चौतारीको ठूलो ढुङ्गोमा ठड्याऔँ। अनि मलायको लाहुरेमा भर्तिगर्न नाप्न ला' जस्तो गरि सिधा ठाडो हुन लगाएर एउटा झिर टाउको बाट सिधै पर्फेक्ट भर्टिकल हुने गरि अनि अर्को झीर भुँडीबाट सिधै पर्फेक्ट होरिजेन्टल हुने गरि उधिन्नौँ। अब ती दुइ झीरहरु जहाँ भेट्छन त्यो बिन्दुलाई केन्द्रबिन्दु मानौँ। अब अर्धब्यास नाप्न केन्द्रबिन्दु बाट पछाडि ढाड तिर नाप्दै जाउँ। यसले चारसय योजन देखाउँछ। ब्यास नाप्नको लागि अगि झीर छिराएको भुँडीको बिन्दु देखि सिधै पछाडि ढाड सम्म जाउँ, यसले पच्चिससय योजन देखाउने छ। विस्तृत जानकारीको लागि तलको रेखाचित्र अवलोकन गरौँ।

लोल! घत्तेरी! बेफुर्सदीआँ नि पेट मिचाई मिचाई हाँस्नै पर्नि कुन जुनिको कल्ले द्या श्राप हो यो, गाँठे?

बाई बाई! एउटो डीनराँ जानु छ!

लोल! भउते! हाहाहाहाहहाहाहाहा

 

भउते'ज थेउरी अफ गोतामेटिभिटी-

यदी, कुनै पनि वृतको ब्यास २५०० योजन र अर्धव्यास ४०० योजन भएमा, उक्त वृतमा यदि हाड छाला र मासु, र आन्द्रामा लादि भरेको खन्डमा, प्राप्त हुने पिण्ड ‍= गोताएँ हुन्छ।

यसको उपसाध्यलाई प्रयोग गरेर यो थेउरी प्रमाणित गर्न सकिन्छ।

उपसाध्य- भउते'ज इन्स्ट्रक्सन रिमेनिङ कन्स्ट्यान्ट, गोताएँ बुडालाई चौतारी ढुङ्गामा उभ्याएर उनको हाड, छाला, मासु र आन्द्रा भित्रको लादि सोहोरेर फालेमा ब्यास २५०० योजन र अर्धव्यास ४०० योजन भएको वृत प्राप्त हुन्छ।

२५०० योजन ब्यास र ४०० योजन अर्धब्यास भएको वृत प्राप्त गर्न चाहिने सामाग्री यस प्रकार छन्-

१) गोताएँ

२)  खुकुरी, घन, तथा लादि झिक्ने सक्सन पम्प

३) भउते तथा भउतेको इन्स्ट्रक्सन

४) चौतारीको ढुङ्गा ( उभ्याएर वृत प्राप्त गर्नु परेमा मात्र)

 

लोलहरु जिम्माल लोलहरु !

.........प्राप्त हुने पिण्ड ‍= गोताएँ ...........

ha ha ha ha ha ha ha ha पिण्ड रे ! कति हाँस्नु उफ्!

 

आज गीतलहरी सुरु गर्ने बेला भएन कि के हो ? बौचा खै ?

नयाँ चौतारी बनाउने बेला भएछ
चित्रे माट्साब ले त बनाउने होला नि
चित्रे मलाई सुटुक्क भन है, बोर फस हुनु पर्ने छ यार, इज्जत को सवाल छ
भउत्स ब्रो के छ? खान पिन भयो? लहरे लाई कुरि'रा हो  गीतान्जली हेर्न?

आज अली आफुलाई असन्चो भएकोलो आज को गीती लहर कार्यक्रम प्रस्तुत गर्न अ असमर्थ छु। सुचना गर्न धीलो भएकोले क्षमा प्राथी छौ।

ओ हो!!

 स्वस्थानी !!

 नमस्ते अरे है मुइले :)

नयाँ चौतारी जाने बाटो